Dua Wanoja téh buku kumpulan carpon Chyé Rétty Isnéndés nu munggaran. Dua Wanoja mangrupa carpon simbolik nu mawa gagasan-gagasan kawanojaan, patalina pamikiran katut rasa wanoja jeung dirina pribadi, sasamana, lawan jinisna, dunya kréatifna, sarta masarakatna.
Chyé Rétty Isnéndés, pituin urang Nagrak-Sukabumi, lahir 2 Désémber 1972. Kiwari cekel gawé di Ju­rusan Pendidikan Bahasa Daérah (UPI). Nu­lis sajak, car­pon, novelét, jeung éséy, pang­pangna dina basa Sunda. Kar­ya sastrana nu di­bu­kukeun: Kidang Ka­wi­sa­ya (1999), Nu Nyusuk dina Sukma (2010), Jamparing (2012), Handeuleum 'na Haté Beureum (2014), jeung Dua Wanoja (2014).
Panglélér dina widang sastra di antarana: Piagem Sastra ti LBSS kana skripsina “Analisis Puisi Mantra di Kacamatan Nagrak Kabupatén Suka­bumi” (1998) jeung Hadiah Sastra Rancagé ti Yayasan Kebudayaan Ran­cagé keur kumpulan sajakna Kidang Kawisaya (2000).
Salian ti nulis karya sastra, Chyé oge nulis buku nu patalina jeung pa­élmuan nu diulikna: Teori Sastra (1999) jeung Kajian Sastra (2010). Sa­bagian pamikiranana diposting dina blogna http://chyeretty.wordpress, sabagian sajak nu dimusikalisasi diposting dina grup Nu Nyusuk dina Sukma dina FB. Dina FB ogé, Chyé jadi admin dina grup Save Baduy jeung ngabina penulis sastra dina grup Kandaga Sastra. Taun 2011 milu­an sandwich di Leiden tilu bulan dina raraga riset kapustakaan di KITLV pikeun ngaréngsékeun kuliah S3-na.