leu buku teh cocog pisan sareng pameredih Kurikulum Tingkat Daerah Muatan Lokal Mata Pelajaran Bahasa dan Sastra Sunda Berbasis Kurikulum 2013 Revisi 2017. Ari sababna, ieu buku teh miwuruk jeung nuyun murid sangkan gede karep (motivasi)na, obyag atawa ilubiung (aktif), jeung rancage (kreatif) dina diajar basa Sunda katut sastrana. Ahirna, mampuh (kompeten) dina widang basa jeung sastra Sunda. Tangtuna lain ngan kaweruhna, tapi kamaheran basa jeung sikepna anu hade kana basa jeung sastra Sunda. Tujuan ahir tina ieu pangajaran, murid mampuh make basa Sunda jeung apresiasi katut ekspresi sastra Sunda. Ku cara kitu, dipiharep siswa teh boga sikep anu hade kana basa jeung sastra Sunda. Saluyu jeung pameredih Kurikulum 2013 Revisi 2017, dina midangkeun pangajaran basa digunakeun pamarekan gumulung tina pamarekan pedagogik, saintifik, jeung CLIL (content and language integrated learning). Tiap pangajaran dina ieu buku dibagi jadi opat bagean, nyaeta (1) Paniten Basa, anu eusina nitenan jeung tumanya, (2) Panyungsi Basa, anu eusina nyoba atawa nyungsi kaweruh, (3) Panggelar Basa, anu eusina mangrupa kagiatan ngagelarkeun atawa ngomunikasikeun basa, jeung (4) Pangjembar Basa, anu eusina mangrupa wawasan tambahan di luareun materi poko. leu buku oge dilengkepan ku sababaraha fitur, di antarana wae: • Pamekar Atikan Karakter • Literasi • Pancen Mandiri • Pancen Kelompok • Kandaga Kecap