Pakeman Basa Sunda medar perkara rakitan basa anu runtuyan kecap-kecapna relatip matok atawa angger tur maksudna geus puguh, anu umumna ngandung harti kiasan atawa babandingan minangka siloka lakuning hirup manusia. Najan kitu, henteu nutup kamungkinan yen sakecap atawa dua kecap bae, anu kapanggih dina basa Sunda. Tangtu rupa-rupa pakeman basa teh. Bisa wae jumlahna henteu kaitung. Anu didadarkeun di dieu ngan pakeman basa anu bisa kacatet boh tina kahirupan sapopoe boh any geus nyampak dina tulisan-tulisan saperti buku pangajaran, karya sastra, jeung kamus. Pakeman basa anu kacatet, di antarana wae, babasan, paribasa, kekecapan, kecap kiasan, rakitan lantip, cacandran, candrasangkala, uga, panyaraman, jeung wasiat.