Di antara leuwih ti sapuluh judul buku beunang Marga­sulak­sana, beunang disebutkeun Diarah Pati anu pangpunjul­na. Punjul dina katohagaan struktur carita­na, punjul dina gambaran ngeunaan perwatek tokoh-tokoh ka­tut kaayaan anu dica­ritakeunana, punjul dina kandelna deuih. Minangka carita mistéri anu mung­garan dina basa Sunda, Dia­rah Pati ogé némbongkeun ka­punjulna tina carita-carita mistéri pan­deu­ri­eunana. Nu ...

Dina ieu kumpulan carpon Moal Dimumurah, Ikin Asikin ngangkat rupa-rupa téma kahirupan pilem­buran jeung pasisian dumasar kana kondisi jamanna: mojang jeung bujang di jaman pen­dudukan Jepang (“Moal Dimumurah”), kasarakahan gegedén anu ngalantaran­keun papait keur rayat leutik dina mangsa cultuurstelsel-na  Walanda (“Lumpuhna Juragan Aria”); jal­ma-jalma golongan leu­tik kayaning supir (“Taluk”),  kuli, buruh jeung ...

Holisoh, salah sahiji pangarang Sunda pangproduktifna, dina ieu kumpulan carpon (aya dua puluh), saperti dina dua romanna anu kungsi terbit (Katineung, 1998, jeung Kembang-kembang Petingan, 2002), nyaritakeun romantika jeung dina­mika kahirupan kulawarga, hubung­an ko­lot-anak—hususna tina sisi awéwé, kon­flik salaki-pamajikan, konflik jeung “in­trik” pa­pa­da awéwé hususna anu geus laki-rabi, konflik anu sakapeung rada ...

Ngaliwatan carita-carita dina Kasambet (kumpulan episodeu kahirupan sapopoe Jang Udin, anak Juru-tulis desa jeung babaturanana), Ahmad Bakri mere atikan, pengajaran, jeung tungtunan hususna ka barudak ngeunaan tata krama urang Sunda, upamana dina ngahormat ka kolot jeung ka nu leuwih kolot, miasih ka nu leuwih ngora atawa kanu sangsara, hade tur akur jeung babaturanana, jeung sajabana. Bubuhan Ahmad Bakri mah ampir saumur-umur jadi guru, dina carita-caritana henteu karasa mapatahan atawa ...

Kumpulan carita pondok (carpon) Kanyaah Kolot ka­rangan Karna Yudibrata, sanajan ditulis taun 1960-an tur munggaran medal jadi buku taun 1985, dibaca deui taun 2014, topik jeung pasualan anu meulit dina diri tokoh-tokoh­na, angger ngagurilap. Lebah dieu unggulna sastra mun dibanding jeung tulisan wangun sejen, komo berita: tembus jaman. Sakumaha pada terang, teu sakabeh karya sastra sanggup nitih wanci ngalanglang jaman jeung guri­lap­­na, ngageterkeun rasa nitirkeun pikir. ...

Roman pondok Pileuleuyan nyarita­keun hiji guru awewe anu resep kana kurung-karang, sanajan hade rupa tapi hese meunangkeun jodo anu cop jeung lelembutanana. Kungsi bogoh ka hiji lalaki, tur lalakina bogoheun deuih ka maneh­na. Tapi lantaran bapana kalibet perkara ngajual barang-barang nagara, kabogohna ngarasa wirang, tuluy megat­keun hubungan jeung manehna. Si awewe tuluy papanggih jeung lalaki anu luyu jeung angen-angenna, nyaeta batur lawas nu geus jadi palukis. Ngan hanjakal ...

Saeni ngaguar lalakon cinta nu aheng antara anak jeung indung. Asih nu kemba, nu ukur ngagalindeng dina angen sorangan, jadi daya tarik utama tina ieu carita. Gambaran alam basisir, kahirupan pamayang jeung kapercayaan mistikna, kasenian Ubrug di pasisian Banten, minangka latar anu henteu kapanggih dina novel Sunda samemehna. Saeni geus ngasongkeun nuansa sejen nu nenggang dina kamekaran sastra Sunda kiwari. Nilik kana beungharna pangaweruh anu gumulung dina jagat Saeni, kuring yakin ieu ...

Bentang Pasantren nyaritakeun katresna santri ka putra ajenganana anu jadi rebutan lurah santri jeung santri kahot sejenna. Ku katapisna dina nyusun ungkara anu direumbeuy ku humor jeung kekecapan has pasantren beunang nyutat tina Qur'an, hadis, jeung kitab lianna, ieu karya Usep Romli H.M. teh kaasup kana karya petingan anu milu ngabeung­har­an sastra Sunda. ...

Rajapati di Pananjung ngagambarkeun kajadian rajapati di tempat wisata Pananjung, Pangandaran, waktu aya rombongan para pamuda datang ka dinya. Yoyo, salah saurang di antarana, papanggih jeung urut kabogohna anu geus kawin jeung nu sejen. Waktu keur paduduaan, urut kabogohna teh mulangkeun ali nu dibikeun ku Yoyo ka manehna baheula. Eta ali ku Yoyo dibikeun deui ka kabogohna nu ayeuna ngilu piknik ka Pananjung. Tapi salaki urut kabogohna maksa menta deui eta ali nepi ka der jadi papaseaan. ...

Dina Cahaya Gumawang dina Ati, roman pondok beunang Ningrum Julaéha, digambarkeun kalayan tapis kaayaan batin awewe, anu ngarasa mangmang unggah ka bale nyungcung, asup kana kahirupan laki rabi. Lantaranana aya beja yen pisalakieunana nu satemenna mikacinta ka manehna tur dipikacinta ku manehna nikah ka si kuring teh henteu dumasar kana cinta tapi alasan kapaksa nohonan kahayang kolotna. Cek eta beja keneh, pisalakieunana geus boga kabogoh anyar nu leuwih geulis jeung leuwih pinter, ...