"Geus dua peuting salaki teu balik. Pundung. Paduli teuing, di imah nungtun waé rajawisuna. Sakalian ku kuring mah bajuna gé digémbolan ku samping urut tilam ompol Si Bungsu. Ambéh ari manéhna datang, kari sok wé mikeun. Lieur! Balik-balikanan saimah waé, nungtun pipaséaeun. Pasual­an saeutik bisa jadi paséa rongkah. Tiis ning taya salaki mah. Taya nu barang geureuh, najan sapoé jeput teu barang gawé. Malahan asa tumaninah ulin gé. Kamari mah ngablu wé ka lembur Awi Gedé, lalajo ...

Holisoh, salah sahiji pangarang Sunda pangproduktifna, dina ieu kumpulan carpon (aya dua puluh), saperti dina dua romanna anu kungsi terbit (Katineung, 1998, jeung Kembang-kembang Petingan, 2002), nyaritakeun romantika jeung dina­mika kahirupan kulawarga, hubung­an ko­lot-anak—hususna tina sisi awéwé, kon­flik salaki-pamajikan, konflik jeung “in­trik” pa­pa­da awéwé hususna anu geus laki-rabi, konflik anu sakapeung rada ...